يا للأسف

يا للأسف قلب الشقا سكن فيك
وحطم بعيني في حدودك أماني
وأنا الذي يشهد الله مغليك
ومالك بقلبي يا غلا الذات ثاني
وأتذكر أني جيت أسولف وأراضيك
وأتجاهل اللي من كلامك براني
اضحك معك واظهر سروري وأحاكيك
وأعطيك ودي والغرام وحناني
ومر السنين اللي خذت من تعطيك
من بعد خلك خل ثاني أناني
ومن عاهدك بالصدق والحب يسقيك
مر العذاب اللي بكفه سقاني
هذي السنين اليوم بس أنت وش فيك
ما حس قلبك في عذاب لفاني
طيب معك قلبي وإذا غبت يبكيك
لا شك قلبك يا المخادع نساني ..

-------------------------------------------------------------------------

كن فنانا وعبر عما في قلبك بالشعر