عادات خاطئه في حياتنا و هذا هو الفعل الصحيح لها

لما بتكون ماشي وشايل كتبك وتخبط في واحد ماشي بدون قصد وتقع كتبتك وهوه يساعدك في لمها تاني

وتقولة اسف يقولك لا حصل خير (( دي عادة غلط ))

(( الصح ))

-ا ن اول ما تقع كتبك ويلمهالك تقوم واخدة من قفاه وملبس راسة في الحيطة هيقع بعدين تقوم نازل بكعب جزمتك في بطنة تمام تاخد كتبك وتقلة بعد كده تبقي تفتح يا قفل

طبعا نفس الطريقة مع البنات وبعضها عادي يعني ممكن تحطي بدل كلمة قفل يا هبلة او يا مجنونة الي يعجبك الاختيارات مفتوحة

- لما تبقي سايق عربيتك وتقف في اشارة حمرة و وراك واحد شغال يزمر الكلاكس تقوم رافعلة ايدك ان في

اشارة ومش بأيدك تعمل حاجة فيسكت هوه (( عادة غلط ))

(( الصح ))

تقوم نازل من العربية واخد الكوووريك ونازل بيه علي البرزبيز بتاع عربية الراجل وتقوم شدة من القميص ترزع

راسة في بابا العربية من 3 : 5 مرات وتقلة مش شايف الاشارة حمرة يا اعمي بعد كده تبقي تفتح ,, وترجع

تركب عربيتك وتمشي عادي جدا

- خارج مع اصحابك و جه واحد صاحبك ماسك بيبسي كانز ورجها وفطها في وشك طبعا انت لحقت نفسك وضحكت وقلتلة مردودة ماشي (( عادة غلط ))

(( الصح ))

تقوم رايح لاقرب سوبر ماركت مشتري واحد بيبسي وميرندا وسيفن اب وترجهم وتفكهم كلهم في خلقتة ويكون وراه حيطة بحيث ميفلتش ابداااااااااا وتضحك وخلاص علي كده

- رايح تصلي الجمعة و واد رماك بزلطاية صغيرة قلت ربنا يهدية فين اهلة دول اهو عيل ما علينا ورحت تصلي

(( عادي غلط ))

(( الصح ))

المفروض تطلع تجري وراه تمسكة تربطة في شجرة وتروح تصلي وترجع تلاقية مربوط تقوم ماسك خشبة ونازل بيها عليه وانت بتقول ( هااااااااه هتعمل كده تااااااااني ) وبعدين تسيبة مربوط وتمشي

ملحوظة : اوعي تفكة والا اكنك معملتش حاجة

- كنت قاعد في المحاضرة وضحكت بصوت مسموع قام المدرس الي بيقول المحاضره هزقك وانت اعتذرتله وقلتلة اسف يا دكتور ومش هتتكرر وعد وقعدت ساكت وهوه كبر دماغة منك (( عادة غلط ))

(( الصح ))

تقوم باصصلة بمنتهي القرف وخارج برة وتستناة بعربيتك برة المفروض هوه يخرج يلاقي الازاز القدماني

للعربية مسكور والوراني والعجل نايم وبقيت الازاز متكسر والكاست متاخد والفتيس بايظ ومفيش دريكسيون

الفرامل خربانة وعدي من جبنة بالعربية وقولة عايز توصيلة ياسطة واضحك وامشي وحتي لو سقطك عاااااادي جدا

بس اسمك رااااااااااااجل

ملحوظة : ممكن تدوسة وتدخل السجن والسجن للرجااااااالة هع

- أرجو ان الموضوع يكون عاجبكم يا رب (( عادة غلط ))

(( الصح ))

عجبكم او معجبكوش محدش قالكم يا حبايبي ادخلوا وضربكوا علي اديكم والله غريبة اوي

مع تحياتي : The Matrix 2008

اعتقد عادة غلط اننا نقول شكرا على الموضوع دة

المفروض اقول خلى السلاح صاحى و لفينى البندقة علشان اضخك هههههههههههههه

زائر

والله انا فصلت على الموضوع دة بس من الآخر خد كل حاجة بلطجة وخلاص وعافية

زوق لالالالالالالالالالالالالالالا

شكرا على ردودكم و ياريت يكون الموضوع عجب أعضاء المنتدى

» اشخاص لهم طابع خاص في حياتنا